Domani Lavoro

DOMANI LAVORO (maña traballo), así rezaba o lema da campaña electoral dun partido político italiano e así se titula este proxecto de Paco Rocha. Domani Lavoro é fruto dun exhaustivo traballo por distintas cidades de Italia, no que plasma, a través do emprego do branco e negro tradicional, tanto imaxes do entorno coma retratos, o que permite ao espectador situarse no contexto no que se desenvolven as distintas persoas retratadas e reflectir e contrastar distintos aspectos das cidades, dende o encanto das “tarxetas de presentación” ata as partes máis “ocultas” das mesmas fóra dos percorridos turísticos. Esta serie de fotografías en branco e negro pode dividirse en duas partes, inda que en moitos casos ambas aparecen mezcladas. Na primeira, o esforzo do autor céntrase nas persoaxes, na presencia human, aquela da que é imposible fuxir, que nos acompaña alá a donde vaiamos e que provoca a curiosidade de ter diante a xente totalmente descoñecida e totalmente semellante a un mesmo. Estas persoaxes traballan, pasean ou simplemente falan entre eles, ocupan o seu posto en cada escenario provocando que éste resulte inútil sen a sua presenza. Ademáis, Domani Lavoro profundiza sobre todo na propia mirada do fotógrafo, que recolle dun modo máis rotundo que en traballos anteriores, diferentes sentementos de tenrura, complicidade, sospeita… a través dos xestos sinxelos e sinceros destas persoas. De outra parte, en determinadas fotografías a mirada párase únicamente no que o rodea coma único protagonista, xerando no espectador a sensación de espazos pechados, case claustrofóbicos nos que aínda, hai unha claridade, unha esperanza ao final. Imaxes coma a da ruela de Pisa ou a das ruinas do Coliseo romano dannos bo exemplo do que aquí se explica, imaxes, xunto con outras da serie, nas que o autor busca incansable puntos de fuxida para as persoas. Pero, como deciamos en párrafos anteriores, ás veces resulta difícil separar o medio das persoaxes, de ahí que tamén obxectos inanimados e os edificios e a súa relación coas persoas teñan relevancia neste traballo. Deste xeito, a inclusión dalgún persoaxe na fotografía dunha “naturaleza morta” dota de forza a mirada e busca un estraño sentido entre os obxectos fotografados e as persoas: a importancia da imaxe vaise cara ó obxecto cando o natural sería ollar para os seres que están no encadre.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR

Aviso de cookies
error: @ Paco Rocha Fotografía